ఎక్కడఁ గడచేరీ - Ekkada Gadachere

ఎక్కడఁ గడచేరీనరులు
తక్కులఁ బెట్టేరు తరుణులు భువిని

కన్నులచూపులు గాలపుచిలుకులు
వెన్నెలనవ్వులే వెలితెరలు
మిన్నక పురుషామృగముల వేఁటలు
పన్నుక యాడేరు పడఁతులు భువిని

ముంచినమాఁటలే మోహనఘంటలు
మంచియధరములే మచ్చులవి
మించిన పురుషామృగముల వేఁటలు
అంచెల నాడేరు అతివలు భువిని

కట్టువగట్లు కందువ కుచములు
పట్టు శ్రీవేంకటపతి మాయ
మెట్టుగ పురుషామృగముల వేఁటలు
నెట్టన నాడేరు నెలఁతలు భువిని

Watch for audio - https://youtu.be/RpSH-BYShHs