ముద్దులుగారీ మోమునను - Muddulu Gari Momunanu

ముద్దులుగారీ మోమునను
వొద్దిక నేమైన నొసగరె చెలులు

చెక్కులవెంటాఁ జెమటలు గారీ
యెక్కడ నాడెనొ యిందాఁకా
చక్కఁ గృష్ణునికి జలకము సేయరె
నెక్కొని కాఁగిట నించరె చెలులు

పొరిఁబొరి నిట్టూర్పులు గడురేఁగెను
పరువులు వెట్టెనొ పడుచులతో
సరుగన శైత్యోపచారము సేయరె
యిరవుగ నుయ్యల నిడరే చెలులు

చుట్టుకొన్నజడ చొల్లెము జారెను
వుట్టులు గొట్టెనొ వుదుటునను
పట్టి యలమేల్మంగపతి శ్రీవేంకటేశుఁ-
డిట్టిపనులవా రెంచరె చెలులు 

Watch for audio - https://youtu.be/L3Gp33kXNfI