ఆకాశపాకాశ మాయెఁ గోమలినడుము
వైకుంఠపతిపొందు వడిఁ దెలుపుకొఱకు
వైకుంఠపతిపొందు వడిఁ దెలుపుకొఱకు
పరగఁ గెమ్మోవిపై పగలు చుక్కలు వొడిచె
పరివేషమృగనాభిఁ బరగె మోము
మరునిసమరమునఁ గోమలి విభునితోఁ జెనకు
సరసతల కిదియ సూచన చంద మాయె
పరివేషమృగనాభిఁ బరగె మోము
మరునిసమరమునఁ గోమలి విభునితోఁ జెనకు
సరసతల కిదియ సూచన చంద మాయె
ఎలమి బొమ్మలజంకె లింద్రధనువులు వొడిచె
మొలచెఁ గన్నులఁగావి మొయిలు ఘనమై
కొలఁది కగ్గలపుఁగుంకుమచెమట నెత్తురులు
పొలఁతిపైఁ గురియుటకుఁ బోటివలె నాయె
మొలచెఁ గన్నులఁగావి మొయిలు ఘనమై
కొలఁది కగ్గలపుఁగుంకుమచెమట నెత్తురులు
పొలఁతిపైఁ గురియుటకుఁ బోటివలె నాయె
అంగనకునెడమతొడ అదరి భూకంపంబు
సంగతి వహించెఁ జంచలము లేక
ఇంగితంబుగ వేంకటేశుఁ గూడినపొందు
కొంగుబంగారమై కోరికలు మీఱె
సంగతి వహించెఁ జంచలము లేక
ఇంగితంబుగ వేంకటేశుఁ గూడినపొందు
కొంగుబంగారమై కోరికలు మీఱె
Watch for audio - https://youtu.be/Jg2VeWZcJm0
No comments:
Post a Comment