ఇంకనైన హరిఁ జేరు - Inkanaina Hari Jeru

ఇంకనైన హరిఁ జేరు యింతే చాలు
సంకెలెల్లాఁ బెడఁబాపి చక్కఁజేసీ నతఁడే

యెఱఁగక పుట్టితివి యిన్నియోనులందుఁ దొల్లి
తఱినాఁటి కాయఁబోయ దానికేమి
నెఱి నఱకములో నాని తివియుఁ గొన్నాళ్ళు
తఱవాయి దెలుసుకో దానికేమి

పాపపుణ్యములుసేసి పరులఁగొలిచి తొల్లి
తాపములఁ బొందితివి దానికేమి
వూపసంసారము నమ్మి పుంగుఁడై యిన్నాళ్ళదాఁకా
దాపులేక బ్రతికితి దానికేమి

జగములో వారిఁ జూచి సారెసారె నాసలనే
దగదొట్టె నీకుఁ దొల్లి దానికేమి
జిగి శ్రీవేంకటపతి చిత్తములో నున్నవాఁడు
తగవెంచుకో జీవుఁడ దానికేమి

Watch for audio - https://youtu.be/JNgzqnvI1GA