హరి నిన్నుఁ పిలిచీని - Hari Ninnu Pilichini

హరి నిన్నుఁ బిలిచీని అదివో అమ్మా
తెరమఱఁ గిఁకనేల తియ్యవమ్మా

చిత్తరు పతిమవంటి చెలియా నీవు
యిత్తల పతికి విడె మియ్యవమ్మా
కొత్తమెఱుఁగుఁ బోలిన కోమలి
మొత్తమి కూరిమిపతిమోము చూడవమ్మా

బంగారుబొమ్మవంటి పడఁతి నీవు
అంగవించి పతితో మాఁటాడవమ్మా
అంగజు శరమువంటి అతివె నీకు
నంగతన మిది యాల నవ్వవమ్మా

చంచుల చిగురువంటి జవ్వని నీవు
కొంచక శ్రీవేంకటేశుఁ గూడితివమ్మా
మించుఁదమ్మిలోని యలమేలుమంగా
యెంచి యిద్దరును మమ్ము నేలరమ్మా 

Watch for audio - https://youtu.be/cpUdJ-slPaQ