అప్పులేని సంసార - Appuleni Samsara

అప్పులేని సంసార మైనపాటే చాలు
తప్పులేనిజీత మొక్క తారమైనఁ జాలు

కంతలేని గుడిశొక్క గంపంతయినఁ జాలు
చింతలేని యంబలొక్క చేరెఁడు చాలు
జంతగాని తరుణి యేజాతైన నదె చాలు
వింతలేని సంపదొక్క వీసమే చాలు

తిట్టులేని బ్రదుకొక్క దినమైన నదె చాలు
ముట్టులేని కూడొక్క ముద్దెఁడే చాలు
గుట్టుచెడి మనుకంటే కొంచెపు మేలైనఁ జాలు
వట్టి జాలిఁ బడుకంటే వచ్చినంతే చాలు

లంపటపడని మేలు లవలేశమే చాలు
రొంపి కంబమౌ కంటె రోయుటే చాలు
రంపపుఁ గోరిక కంటె రతి శ్రీ వేంకటపతి-
పంపున నాతనిఁ జేరే భవమే చాలు

Watch for audio - https://youtu.be/C31GsLaxxBg