ఇతఁడే బ్రహ్మస్వరూపము | Itade Brahma Swarupamu

ఇతఁడే బ్రహ్మస్వరూప మితఁడే పరతత్వము
యితఁడే స్వయంవక్త మిటని తలఁచుఁడీ

హరి వేంకటాద్రి నుండు నని పురాణములు చెప్పు
పరమేష్టికి విశ్వరూపము చూపినందుకు
సరుసనే జనులకు స్వప్నములో మాటలాడి
పరుషలకు వరాలు పైపై నిచ్చీని

మునులు పూజించి రట మున్నే యీ మూర్తిని
సనకాదియోగీంద్రు లిచ్చటనే వెదకిరటా
యెనలేని మహిమలు యెప్పుడునుఁ గలవట
ఘనదివ్య జ్ఞానసిద్దిగలవాఁడట

అలమేల్మంగ వురమందుఁ గాఁపుర మున్నది
యిల శ్రీవేంకటేశుఁ డితఁడై వున్నాఁడు
తలఁప నితనిపేరే ధరించిరి లోకు లెల్లా
తెలుసుకొంటేఁ దానే దృష్టదేవుఁడు

Watch for audio - https://youtu.be/cyfAyIH2rQM