కామక్రోధవికార - Kaama Krodha Vikaara

కామక్రోధవికార జలనిధికి కలశభవుఁడు మీ నామము
భీమగుణత్రయ బిసకాండములకు బిరుదుహంస మీ నామము

బహుళదురిత పటుపటల మను ఘన
గహన దావశిఖి గణుతింపఁగ మీ నామము
సహజ కలుషతమిస్రము దొలగింపఁగ నహ
రహముల వెలిఁగెడి రవి బింబమైనది మీ నామము

జననబంధదోషములను గిరులకు
ననుపమ మగు నిష్టుర నిర్ఘాతం బరయఁగ మీ నామము
ఘనసంసారం బను పెనుసర్పం
బునకును ముదమున గరుడుఁడు మీ నామము

తీరని పంచేంద్రియ మేఘములకు
ఘోరమారుతవిహారం బైనది మీ నామము
శ్రీరమణీశ్వర శ్రీవేంకటపతి
ధారుణిఁ బొగడఁగఁ దగినది మీ నామము 

Watch for audio - https://youtu.be/aEbNUf2FNDA