అదె చూడరె మోహనరూపం - Ade cudare Mohanapurpam

అదె చూడరె మోహనరూపం
పదిగొట్లుగలభావజరూపం

వెలయఁగఁ బదారువేలుమగువలను
అలమినఘనమోహనరూపం
వలచిననందవ్రజముగొల్లెతల
కులుకుఁజూపులకు గురియగురూపం

యిందిరావనిత నెప్పుడుఁ దనవుర -
మందునిలిపిన మోహనరూపం
కందువభూసతికాఁగిటిసొంపుల -
విందులు మరిగిన వేడుకరూపం

త్రిపురసతుల బోధించిరమించిన
అపురూపపుమోహనరూపం
కపురుల శ్రీవేంకటపతియై యిల
నుపమిఁచగరానివున్నతరూపం 

Watch for audio - https://youtu.be/r-j-BUALHmg