భావించ నేర్చినవారి భాగ్యముకొలది ముక్తి
శ్రీవల్లభుఁడే జీవన్ముక్తి
శ్రీవల్లభుఁడే జీవన్ముక్తి
చూచి తలఁచేవారికి సులభాన నుండు ముక్తి
కాచుకున్నవారికిఁ గలదు ముక్తి
చేచేత నందుకొంటే చేరువనే వుండు ముక్తి
యేచి కొలిచితేఁ దనయింట నుండు ముక్తి
కాచుకున్నవారికిఁ గలదు ముక్తి
చేచేత నందుకొంటే చేరువనే వుండు ముక్తి
యేచి కొలిచితేఁ దనయింట నుండు ముక్తి
తగిలి సాము సేసితేఁ దనలో నున్నవి ముక్తి
పగ లేకుండితే భూమిపై దే ముక్తి
నొగులక నుడిగితే నోరనే వున్నది ముక్తి
బగివాయకుండితే బట్టబయటనే ముక్తి
పగ లేకుండితే భూమిపై దే ముక్తి
నొగులక నుడిగితే నోరనే వున్నది ముక్తి
బగివాయకుండితే బట్టబయటనే ముక్తి
ధరియించుకుండితేను తనువుపై నుండు ముక్తి
అరసితే గురుస్మరణందుండు ముక్తి
యిరవై శ్రీవేంకటేశు నెప్పుడు సేవించితేను
దొరకి పుణ్యులకు నెదుట నుండు ముక్తి
అరసితే గురుస్మరణందుండు ముక్తి
యిరవై శ్రీవేంకటేశు నెప్పుడు సేవించితేను
దొరకి పుణ్యులకు నెదుట నుండు ముక్తి
No comments:
Post a Comment