దేవర విన్నిటా నీకు దేవుల నేను
నీవనిత నెప్పుడూను నేర మెంచకువయ్యా
నీవనిత నెప్పుడూను నేర మెంచకువయ్యా
చెక్కు నొక్కి నీకు నేను సేసినట్టి వినయాలు
వక్కణగా నీ మనసు వచ్చునా నేఁడు
కక్కసించఁగదా నీకుఁ గప్పురవిడె మిచ్చితి
దక్కివున్నదానను నాతప్పు లెంచకువయ్యా
వక్కణగా నీ మనసు వచ్చునా నేఁడు
కక్కసించఁగదా నీకుఁ గప్పురవిడె మిచ్చితి
దక్కివున్నదానను నాతప్పు లెంచకువయ్యా
పాదము లొత్తి నే నీపనుల నుండిన మేలు
యీదెస నీవూడిగాల కెక్కేనా నేఁడు
తోదోపులు గావుగదా దొమ్ములుగా నే మొక్కితి
ఆదినుండి నిన్నే కోరే మౌఁగాదనకు వయ్యా
యీదెస నీవూడిగాల కెక్కేనా నేఁడు
తోదోపులు గావుగదా దొమ్ములుగా నే మొక్కితి
ఆదినుండి నిన్నే కోరే మౌఁగాదనకు వయ్యా
కందువనీకాఁగిటను కలసిన భోగములు
చెంది నీకు నిన్నిటాను సెలవా నేఁడు
సందడి సేయఁగదా నీ సరుస శ్రీ వేంకటేశ
యెందును నీ మేనవార మెరవుగాకువయ్యా
చెంది నీకు నిన్నిటాను సెలవా నేఁడు
సందడి సేయఁగదా నీ సరుస శ్రీ వేంకటేశ
యెందును నీ మేనవార మెరవుగాకువయ్యా
No comments:
Post a Comment