రామ రామచంద్ర రాఘవా - Rama Ramachandra Raghava

రామ రామచంద్ర రాఘవా రాజీవలోచన రాఘవా
సౌమిత్రి భరతశత్రుఘ్నుల తోడ జయమందు దశరథరాఘవా

శిరసు కూఁకటులరాఘవా చిన్నారిపొన్నారిరాఘవా
గరిమ నావయసునఁ తాటకిఁ జంపినకౌసల్యనందనరాఘవా
అరిదియజ్ఞముగాచి రాఘవా అట్టె హరునివిల్లువిఱిచినరాఘవా
సిరులతో జనకునియింట జానకిఁ జెలఁగిపెండ్లాడినరాఘవా

మలయునయోధ్యారాఘవా మాయామృగాంతకరాఘవా
చెలఁగి చుప్పనాతిగర్వ మడఁచి దైత్యసేనలఁజంపినరాఘవా
సొలసి వాలిఁజంపి రాఘవా దండిసుగ్రీవునేలినరాఘవా
జలధిబంధించినరాఘవా లంకసంహరించినరాఘవా

దేవతలుచూడ రాఘవా దేవేంద్రురథమెక్కి రాఘవా
రావణాదులనుఁ జంపి విభీషణు రాజ్యమేలించిన రాఘవా
వేవేగ మరలి రాఘవా వచ్చి విజయపట్టమేలిన రాఘవా
శ్రీవేంకటగిరిమీఁద నభయములు చెలఁగి మాకిచ్చిన రాఘవ 

Watch for Audio - https://youtu.be/bdTRtO6wt-w