నీవు తురగముమీఁద - Nivu Turagamu Mida

నీవు తురగముమీఁద నేర్పు మెరయ
వేవేలు రూపులై వెదచల్లితపుడు

పదిలముగ నిరువంకఁ బసిడి పింజల యంప
పొదల తరకసములొరపులు నెరపఁగా
గదయు శంఖంబు చక్రము ధనుః ఖడ్గములు
పదివేలు సూర్యబింబములైనవపుడు

సొరిది శేషుని పెద్దచుట్టు పెనుఁగేవడము
సిరి దొలఁక నొకచేతఁ జిత్తగించి
దురమునకుఁ దొడవైన ధూమకేతువు చేత
ఇరవైనబల్లెమై యేచెనందపుడు

కరకజడతో రమాకాంత జయలక్ష్మియై
తొరలి కౌగిఁట నిన్నుఁ దొడికి పట్టి
చరచె వెను వేంకటస్వామి నిను గెలువుమని
మెరుఁగుఁగుచకుంభముల మిసిమితో నపుడు

Watch for Audio - https://youtu.be/71cXnZW08Yo

పదివేలకు మామాఁట - Padivelaku Mamata

పదివేలకు మామాఁట పాలించవయ్యా
ఇదివో చెలికోరిక లీడేరుచవయ్యా

చెప్పరాని ప్రియములు చెప్పుమనె జవరాలు
వొప్పుగొని చిత్తగించి వూఁకొనవయ్యా
తప్పక తనపై దయదలఁచుకొమ్మనె నిన్ను
అప్పుడవి యేఁటికో అవధరించవయ్యా

సేయరాని వూడిగాలు సేసితిఁ దా ననుమనె
ఆయెడ నింపైతే నీ వానతీవయ్యా
చేయెత్తి ముమ్మాటికిని చెలఁగి మొక్కితిననె
పాయక దేవర యిఁకఁ బరాకు మానవయ్యా

యెన్నరాని తలపోఁత నెదురుచూచితి ననె
విన్నపమిదె పెండ్లికి విచ్చేయవయ్యా
వన్నెగా శ్రీవేంకటేశ వచ్చి యిట్టె కూడితివి
కన్నె నిట్టె పాయక మన్నించవయ్యా 

Watch for Audio -  https://youtu.be/15NrkgRx2no

అంతరంగములో - Antarangamulo

అంతరంగములో నున్న హరియే గతిగాక
చింతించి మొక్కితేఁ దానే చేకొని రక్షించును

పుట్టించిన కర్మమే పోషించకుండునట
బెట్టుగా మనసే మఱపించునట
పట్టైన మేనే ఆసల బతిమాలింపించునట
చుట్టములెవ్వరు యెంచి చూచినఁ బ్రాణికిని

పక్కన విత్తినభూమి పంట వండకుండునట
యెక్కడా మాయే భ్రమయింపించునట
అక్కరతోఁ జేసిన పుణ్యమే కట్టివేసునట
దిక్కు దెస యెవ్వరు యీ దేహిఁ గరుణించను

ఆసలఁ బెట్టే పాయమే అటమటమౌనట
సేసే సంసారమే జ్ఞానిఁ జేయునట
వేసరక యింతకూ శ్రీవేంకటేశు డేలికట
వెూసపుచ్చేవారెవ్వరు ముదమే జీవునికి

Lyrics in English- 
Amtaramgamulo nunna hariye gatigaka
Chimtimchi mokkite.r dane chekoni rakshimchunu

Puttimchina karmame poshimchakumdunata
Bettuga manase marapimchunata
Pattaina mene Asala batimalimpimchunata
Chuttamulevvaru yemchi chuchina.r branikini

Pakkana vittinabhumi pamta vamdakumdunata
Yekkada maye bhramayimpimchunata
Akkarato.r jesina punyame kattivesunata
Dikku desa yevvaru yi dehi.r garunimchanu

Asala.r bette payame atamatamaunata
Sese samsarame j~nani.r jeyunata
Vesaraka yimtaku srivemkatesu delikata
Vesapuchchevarevvaru mudame jivuniki 

Watch for Audio -  https://youtu.be/-6EgSmVEZY0

ఏమి సేయువార మిఁకను - Emi Seyuvaramikanu

ఏమి సేయువార మిఁకను
ఆమని చేలపచ్చలాయ బ్రదుకు

దీపనమనియెడి తీరనియాస
రేపుమాపుఁ బెడరేఁచఁగా
తోపుసేయఁగరాక దురితపుతరవుల -
కాపదలకు లోనాయ బ్రదుకు

వేడుకనెడి పెద్దవిడువనితరవు
వోడ కెపుడు వొద్దనుండఁగా
జోడు విడువరాక చులుకఁదనంబున-
కాడికెలకు లోనాయ బ్రదుకు

మమకారమనియెడిమాయతరవు
తిమిర మెక్కించుక తియ్యఁగా
విమలమూరితియైన వేంకటగిరిపతి
అమరఁ జేరక యరవాయ బ్రదుకు 

Watch for Audio -  https://youtu.be/nMDkwtWv-sk

కొమ్మ గడుజవరాలు - Komma Kadujavaralu

కొమ్మ గడుజవరాలు కోమలపు మేనిది
నెమ్మది నుపలాలించి నెయ్యము చూపరాదా

నిలుచుండి మాఁటలాడీ నెలఁత యప్పటనుండి
పిలిచి వద్దఁ గూచుండఁ బెట్టుకోరాదా
బలిసిన చనుఁగవభారము మోచుకున్నది
అలరి నీ భుజముల నానుకొనరాదా

నిండుఁ గొప్పు జారఁగానే నీకు విడె మిచ్చీని
అండనుండి గక్కన నీ వందుకోరాదా
మెండుగ వలపు లొడి మెరసి కట్టుకున్నది
దండితో నీవూఁ గొంత తాళుకోరాదా

పచ్చి చెమటలుఁ బక పక నవ్వీ నీతో
మచ్చికఁ గాఁగిట నించి మన్నించరాదా
ఇచ్చట శ్రీవేంకటేశ యేలితివీకె నింతలో
కుచ్చి నీ పాదము లొత్తీఁ గోరి మెచ్చరాదా

Lyrics in English -
Komma gadujavaralu komalapu menidi
Nemmadi nupalalimchi neyyamu chuparada

Niluchumdi ma.rtaladi nela.rta yappatanumdi
Pilichi vadda.r guchumda.r bettukorada
Balisina chanu.rgavabharamu mochukunnadi
Alari ni bhujamula nanukonarada

Nimdu.r goppu jara.rgane niku vide michchini
Amdanumdi gakkana ni vamdukorada
Memduga valapu lodi merasi kattukunnadi
Damdito nivu.r gomta talukorada

Pachchi chematalu.r baka paka navvi nito
Machchika.r ga.rgita nimchi mannimcharada
Ichchata srivemkatesa yelitivike nimtalo
Kuchchi ni padamu lotti.r gori mechcharada

Watch for Audio -  https://youtu.be/87IioIF0IpQ

నీమాయ కల్లగాదు - Ni Maya Kallagadu

నీమాయ కల్లగాదు నిజము దెలియరాదు
కామించి హరి నీ వొక్కఁడవే నిజము

చచ్చేటి దొకమాయ సరిఁ బుట్టేదొకమాయ
మచ్చుమేపులసిరులు మాయలో మాయ
వచ్చేటి దొకమాయ వచ్చిపోయ్యే దొకమాయ
కచ్చుపెట్టి హరి నీ వొక్కఁడవే నిజము

పొద్దువొడచేది మాయ పొద్దుగుంకే దొకమాయ
నిద్దురయు మేల్కనేది నిండుమాయ
వొద్దనే సుఖము మాయ వొగి దుఃఖ మొకమాయ
గద్దరిశ్రీహరి నీ వొక్కఁడవే నిజము

కూడేటి దొకమాయ కూడి పాసే దొకమాయ
యేడ నేర్చితి శ్రీవేంకటేశుఁడ నీవు
వేడుక నీశరణంటి విడిపించు మీమాయ
వోడక వెదకితి నీ వొక్కఁడవే నిజము

Watch for Audio -  https://youtu.be/mSaq-dNv2ao

ఎటువంటి మోహమో - Etuvanti Mohamo

ఎటువంటి మోహమో యీపెకు నాతని మీఁద
ఘటియించె నిద్దరికి కందువ వేడుకలు

సంగడిఁ గూచున్నది చనవు చేకొన్నది
అంగపుఁ జెమట నోల లాడినది
యెంగిలిపొత్తున విడే లిచ్చినది మెచ్చినది
పంగించీ నిందిరాదేవి ప్రహ్లాదవరదుని

మొక్కుచు నవ్వినది ముచ్చట లాడినది
యిక్కువ లంటుచు లోలో నెన సున్నది
చెక్కుఁ జెక్కుఁ గదియించి జిగిఁ బులకించినది
చిక్కించీఁ గమలాదేవి శ్రీనరసింహునిని

కనుసన్న చేసినది కాఁగిట నించినది
తనివార రతులను దక్కఁ గొన్నది
చెనకి యహోబలాన శ్రీవేంకటాద్రి మీఁద
ననిచె శ్రీమహాలక్ష్మీ నరమృగదేవుని

Watch for Audio - https://youtu.be/a5s1vSu_EGI

ఎక్కడి దురవస్థ - Ekkadi Duravasta

ఎక్కడి దురవస్థ లేఁటిదేహము లోనఁ
జిక్కి జీవుఁడు మోక్షసిరిఁ జెందలేఁడు

ఒడలు మంసపూర మొక పూఁటయిన మీఁదు
గడుగకున్నఁ గొరగాదు
కడలేనిమలమూత్రగర్హిత మిది, లోను
గడుగరాదు యెంతగడిగినఁ బోదు

అలర చిత్తము చూడ నతిచంచలము దీనఁ
గలసిన పెనుగాలి గనము
మెలుపులేనిచిచ్చు మీఁదమిక్కిలిఁ గొంత
నిలుపు లేదు పట్టి నిలుపఁగరాదు

తిరువేంకటాచలాధిపుఁడు నిత్యానంద-
కరుఁడు జీవునకు రక్షకుఁడు
కరుణించి యొకవేళఁ గాచినఁగాని మేను-
చొరకమానెడుబుద్ది చోఁక దెవ్వరికి

Watch for Audio - https://youtu.be/V9sJnlThyts

భవరోగవైద్యుఁడవు - Bhavarogavaidyudavu

భవరోగవైద్యుఁడవు పాటించ నీవొకఁడవే
నవనీతచోర నీకు నమో నమో

అతివలనెడి సర్పా లధరాలు గఱచిన
తతి మదనవిషాలు తలకెక్కెను
మితిలేని రతులఁ దిమ్మరివట్టె దేహాలు
మతిమఱచె నిందుకు మందేదొకో

పొలఁతులనెడి మహాభూతాలు సోఁకిన
తలమొలలు విడి బిత్తలై యున్నారు
అలరు చెనకులచే నంగములు జీరలాయ
మలసి యిందుకు నిఁక మంత్రమేదొకో

తరుణుల కాఁగిలనే తాపజ్వరాలు వట్టి
కరఁగి మేనెల్ల దిగఁ గారఁజొచ్చెను
నిరతి శ్రీవేంకటేశ నీవే లోకులకు దిక్కు
అరుదు సుఖాననుండే యంత్రమేదొకో

Watch for Audio -  https://youtu.be/RfFKw0sz8eY

వంచన ప్రియముల - Vanchana Priyamula

వంచన ప్రియములవారే కాక
నించిన కన్నీటి నేనేల నీకు

గిలుకు మట్టెలతోడ కిందిచూపులతోడ
సెలవి నవ్వులు నీ పైఁ జిందఁగాను
వలతువుగాక యెవ్వతి కైనఁ జిత్తము
నిలుపఁగనోపని నేనేల నీకు

గోడచాట్లతోడ కోనచీఁకటితోడ
వాడల నెలయించువారేకాక
వాడుచు లేమావి వడచల్ల వెడమాయ-
నీడలనెండే నేనేల నీకు

జగడంబులతోడ సణఁగు సొలపుతోడ
వగ నిన్ను భ్రమయించువారె కాక
దిగులులేక నిన్ను తిరువేంకటేశుఁడ
నెగులెఱుఁగక కూడు నేనేల నీకు

Watch for Audio - https://youtu.be/tqOf5hsiyds

పేరు నారాయణుఁడవు - Peru Narayanudavu

పేరు నారాయణుఁడవు బెంబాడిచేఁతలు నీవి
నోరు మూసుకున్నఁ బోదు నున్ననినీసుద్దులు

వేసులు మాకుఁ జెప్పె విన భారతముగాఁగ
మోస నీపాలముచ్చిమి మొదలుగాను
రాసికెక్క శుకుఁడు రవ్వగాఁ బొగడఁ జొచ్చె
ఆసలఁ బరకాంతల నంటిననీసుద్దులు

రంతున వాల్మీకి చెప్పె రామాయణముగాను
సంతగాఁ దాటకాదులఁ జంపినదెల్లా
అంతకముందె నారదుఁడవి దండెమీటి చెప్పె
యింతటా వేఁటాడి జీవహింసలు సేసినది

వేడుక నజుఁడు చెప్పె వేదముగా నీవు దొల్లి
వోడక మీనై కొన్నాళ్లుండితివంటా
తోడనే సప్తరుషులు తొల్లియునుఁ జెప్పిరదె
యీడనే శ్రీవేంకటాద్రి నిరవైతి వనుచు 

Watch for Audio - https://youtu.be/pmrVDtju8Fk

కొమ్మలు పదారువేల - Kommalu Padaaruvela

కొమ్మలు పదారువేలగోవిందరాజ
నిమ్మపంట వేతురా నీ వాఁటదానిని

చేరి కొంగువట్టెనంటాఁ జెలులతోఁ జెప్పి చెప్పి
ఆరీతి నవ్వుదురా ఆఁటదానిని
కోరి చెమటదీసితే కొనగోరు దాఁకెనంటా
నేరము లెన్నుదురా నీవాఁటదానిని

సన్నలఁ జిక్కించెనంటా సాకిరులు వెట్టిపెట్టి
అన్నిటా దూరుదురా ఆఁటదానిని
చన్నులుసోఁకఁగ నీసరుసఁ గూచుండెనంటా
నిన్నటికి నేఁ డందురా నీవాఁటదానిని

జట్టిగొని కూడెనంటా సముకాన మెచ్చిమెచ్చి
అట్టె పొగడుదురా ఆఁటదానిని
వొట్టుక శ్రీవేంకటేశ వుర మొక్కించుకొంటివి
నెట్టన నింతసేతురా నీ వాఁటదానిని

Watch for Audio - https://youtu.be/ao-E_U7TfiA

ఎఱుక గలుగునాఁ - Eruka Galuguna

ఎఱుక గలుగునాఁ డెఱఁగఁడటా
మఱచినమేనితో మరి యెఱిఁగీనా

పటువైభవములఁ బరగేటినాఁడే
తటుకున శ్రీహరిఁ దలఁచఁడటా
కుటిలదేహియై కుత్తికఁ బ్రాణము
తటతటనదరఁగఁ దలఁచీనా

ఆలుబిడ్డలతో మహాసుఖ మందుచు
తాలిమితో హరిఁ దలఁచఁడటా
వాలిన కాలునివసమైనప్పుడు
దాలు వెండఁగాఁ దలఁచీనా

కొఱఁతలేక తేఁకువఁ దా నుండేటి-
తఱి వేంకటపతిఁ దలఁచఁడటా
మఱులు దేహియై మఱచివున్నయడ
తఱచుటూరుపులఁ దలఁచీనా

Watch for Audio - https://youtu.be/xZTGqvg2iBU

నన్ను నింతగా - Nannu Nintaga

నన్ను నింతగా గడించి నాయమా దిగవిడువ
అన్నిటా రక్షించకపో దంతర్యామి

సొమ్మువో వేసినవాఁడు చుట్టిచుట్టి వీథులెల్లా
కమ్ముక వెదకీనట కన్నదాఁకాను
నమ్మిన అజ్ఞానములో నన్నుఁ బడవేసుకొని
అమ్మరో వూరకుందురా అంతర్యామి

వోడ బేరమాడేవాఁడు వొకదరి చేరిచి
కూడిన యర్థము గాచుకొనీనట
యీడనే ప్రపంచములో నిట్టె నన్ను దరిచేర్చి
వోడక కాచుకోరాదా వోయంతర్యామి

చేరి వుప్పమ్మేవాఁడు చిట్లు వేఁ గనఁడట
వూరకే శ్రీవేంకటేశ వోపికతోడ
ఆరయ నన్నుఁ బుట్టించినట్టివాఁడవు నాభార-
మేరీతినైన మోపు మిఁక సంతర్యామి 

Watch for Audio - https://youtu.be/M5rheKYLET0

పట్టిన వారల భాగ్యమిదే - Pattina Varala Bhagyamide

పట్టిన వారల భాగ్యమిదే
గుట్టు తెలిసితే గురుతు లివీ

కామధేనువును కల్పవృక్షమును
దామోదర నీ దర్శనము
భూమీశత్వము భువనేశత్వము
సామజవరద నీ శరణ్యము

పరుసవేదియును పరమైశ్వర్యము
హరి నిన్నుఁ గొలిచే అనుభవము
నిరతభోగములు నిధినిధానములు
గరిమ మెఱయు మీ కైంకర్యములూ

నిండు భోగములు నిత్యశోభనము
కొండలయ్య నీ గుణకథలు
అండనె శ్రీ వేంకటాధిప సర్వము
మెండుకొన్న దిదె మీ కరుణా

Watch for Audio - https://youtu.be/uLAhFgtlnI4

చెంగటనె చెలువంపుఁ - Cengatane Celuvampu

చెంగటనె చెలువంపుఁ జీఁకటి దవ్వఁగను
ముంగిట నిధానమబ్బె మొక్కుదుఁగాకిఁకను

కొండుకవయసు కొమ్మగుబ్బలపై బ్రేమపు-
టెండదాఁకి పులకలనెన్ను వెళ్ళఁగా
బెండుపడి కైవాలెఁ బెనుదురుమిఁకనేమి
పండెఁ గోసుకొందుగాక పనులేఁటికిఁకను

చక్కని జవ్వని కన్నుఁజాయల పాదరసము
పుక్కిటి వెచ్చని పూరుపుల నూదఁగా
గక్కన బంగారాయ కడలేని కోరికలు
దక్కెఁ దీసుకొందుగాక  తడవేల యిఁకను

పల్లదపుఁ జెమటల పాల జలనిధి దచ్చి
వెల్లిగొన సిరులెల్ల వేంకటేశుఁడా
పల్లవాధరిచనవు పచ్చిదేర వేడుకెల్ల
కొల్ల చేకొందువుగాక కొంకనేఁటికిఁకను 

Watch for Audio - https://youtu.be/nkahfMdkrtI

తనువులో దైవము - Tanuvulo Daivamu

తనువులో దైవము దయదలఁచు టెప్పుడో
తనివోనితమకాన తడఁబాటు లివిగో

చెక్కునొక్కి చెలిమీఁద చేయివేసి సారె సారె
మక్కళించి మక్కళించి మాటాడు టెపుడో
మొక్కుఁచు గన్నుల నట్టె ముచ్చట దీరఁగ లో లో
చిక్కనినవ్వులు నవ్వి చెలఁగుట యెన్నఁడో

మోము చూచి సన్న చేసి మోహములు చల్లి చల్లి
నామువారఁ జొక్కేటినను పెప్పుడో
దీమసపుఁ గోరికలు దిష్టముగాఁ గొనసాగ
ఆమని సరసములు ఆడుట యెన్నఁడొకొ

కాఁగిటిరతులలో కరఁగించి మానినికి
మాఁగినమోవియిచ్చేమన్న నెప్పుడో
దాఁగక ఇంతటిలోనే తరుణి యేతెంచి కూడె
సాఁగి శ్రీవేంకటేశ పంతము లిఁకెన్నఁడో 

Watch for Audio - https://youtu.be/vEhQ1nBtD8M

ఇవిగో మీమహిమలు - Ivigo Mimahimalu

ఇవిగో మీమహిమలు యేమని పొగడవచ్చు
జవళి నెంచిచూచితే సరిబేసివంటివి

అంగనల చూపులు ఆరతులవంటివి
కుంగక నీవు కొలువై కూచున్న వేళ
చెంగట లేఁతనవ్వులు సేసపాలవంటివి
కొంగులు వట్టుచు నీవు కొసరేటివేళ

కాంతల పలుకులెల్లా కప్పురాలవంటివి
అంతలో నీవు సరసాలాడేటివేళ
బంతిమోవుల యీవులు పాలకూళ్లవంటివి
మంతనాననుండి నీవు మన్నించేవేళను

వెలఁదుల కాఁగిళ్లు విడిదిండ్లవంటివి
చలముల నీరతులు సలిపేవేళ
యెలమి శ్రీవేంకటేశ యిట్టె నన్నుఁ గూడితివి
తలఁపులవంటి వన్నీ తమకపువేళను 

Watch for Audio - https://youtu.be/98tHY105Ghs

మేలుకో శృంగారరాయ - Meluko Srungararaya

మేలుకో శృంగారరాయ మేటిమదనగోపాలా
మేలుకోవే నా పాల మించిననిధానమా

గతి గూడి రుక్మిణికౌఁగిటపంజరములో
రతి ముద్దుగురిసేటి రాచిలుకా
సతులు పదారువేల జంటకన్నుఁగలువల
కితవై పొడమిన నా యిందు బింబమా

వరుసఁ గొలనిలోనివారి చన్నుఁగొండలపై
నిరతి వాలిన నా నీలమేఘమా
సిరినురమున మోచి శ్రీవేంకటాద్రిమీఁద
గరిమ వరము లిచ్చే కల్పతరువా 

Watch for Audio - https://youtu.be/aN7ufBqOCJE