నీ మహిమ వల్లనే - Ni Mahima Vallane

నీ మహిమ వల్లనే నే బదికే దెల్లాను
వేమరు నా కేల యింక వేసరించ నిన్నును

ఆముకొని నిన్నుఁబాసి అట్టే విరహాన నున్నా
నీ మీఁది మోహమే నన్ను నెరవేర్చును
భామలపై నీవు గొంత పరాకై వుండినాను
నేమపు నీపై తలఁపే నిన్నుఁదెచ్చి యిచ్చును

యిట్టే నీ కెదురు చూచి యెంత కాఁకఁ బొందినాను
జట్టిగ నీపై యాస చల్లఁజేసును
గుట్టున నేవనితలఁ గూడి నీవుండినాను
చుట్టపు నీసుద్దులే సొంపులు వుట్టించును

సేసవెట్టి ఇప్పుడెంత సిగ్గుతో నే నుండినాను
రాసి కెక్క నీ కౌఁగిలే రవ్వ సేసును
యీసరి శ్రీవేంకటేశ యే నలమేలుమంగను
వేసరని నీ రతులే వేడుకలు రేఁచునూ 

Watch for Audio -  https://youtu.be/vw1qGjKM5TY 

నారాయణాయ నమోనమో - Narayanaya NamoNamo

నారాయణాయ నమో నమో నానాత్మనే నమోనమో
యీరచనలనే యెవ్వరు దలఁచిన యిహపర మంత్రములిందరికి

గోవిందాయ నమో నమో గోపాలాయ నమో నమో
భావజగురవే నమో నమో ప్రణవాత్మనే నమో నమో
దేవేశాయ నమో నమో దివ్యగుణాయ నమో యనుచు
యీవరుసలనే యెవ్వరు దలఁచిన యిహపరమంత్రము లిందరికి

దామోదరాయ నమో నమో ధరణీశాయ నమోనమో
శ్రీమహిళాపతయే నమో శిష్ట రక్షిణే నమో నమో
వామనాయ తే నమో నమో వనజాక్షాయ నమో నమో
యీమేరలనే యెవ్వరు దలఁచిన యిహపరమంత్రము లిందరికి

పరిపూర్ణాయ నమో నమో ప్రణవగ్రాయ నమోనమో
చిరంతన శ్రీ వేంకటనాయక శేషశాయినే నమోనమో
నరకధ్వంసే నమో నమో నరసింహాయ నమో నమో
యిరవుగ నీగతి నెవ్వరు దలఁచిన యిహపరమంత్రము లిందరికి 

Watch for Audio -  https://youtu.be/lgtefkR_Us4 

ఒక్కఁడే దైవం - Okkade Daivamu

ఒక్కఁడే దైవం బున్నతుఁ డీతఁడు
తక్కిన తలఁపులు తప్పుఁదెరువులు

పురుషుల కెల్లాఁ బురుషోత్తముఁడు
సురేంద్రాదులకు సురేంద్రుఁడు
హరునికి నజునికి నవ్వలిమూరితి
హరి ఇతఁడే పరమాత్ముఁడు

వేదాంతంబుల వేద్యుఁ డీతఁడు
ఆదికినాదియు నన నితఁడే
మేదిని నరులకు మేదినీశ్వరుఁడు
యేదెసఁ జూచిన నీశ్వరుఁ డితఁడే

యెక్కువల కెల్ల నెక్కువ యీతఁడు
మక్కువ మరునికి మరుఁ డితఁడు
యిక్కడ శ్రీవేంకటేశుఁడై మిగుల
పక్కన నిదివో ప్రత్యక్ష మితఁడు 

English Lyrics - 
Okkade daivam bunnatu dithadu
Takkina talapulu tappuderuvulu 

Purushula kella burushottamudu
Surendradulaku surendrudu
Haruniki najuniki navvalimuriti
Hari itade paramatmudu 

Vedamtambula vedyu dithadu
Adikinadhiyu nana nithade
Medini narulaku mediniswarudu
Yedesa juchina niswaru dithade 

Yekkuvala kella nekkuva eethadu
Makkuva maruniki maru dithadu
ikkada SriVenkatesudai migula
Pakkana nidivo pratyaksha mithadu 

Watch for Audio -  https://youtu.be/mn-nTsQV-yM 

కొమ్మకడకు విచ్చేసి - Kommakadaku Vichesi

కొమ్మకడకు విచ్చేసి కోరినవరమీరాదా
యెమ్మెల మానసతపమీకె చేసీని

వెన్నెలయెండలలోన విరహతాపానఁ జెలి
పన్ని మిక్కుటమైన తపము చేసీని
చెన్నుమీరఁ బరచిన చిగురుఁగత్తులమీఁద
యెన్నరాని వుగ్రతపమిదె చేసీని

మొనసి చెమటఁ దలమునుకల నీటిలోన
పనివడి నీకుఁ దపము చేసీని
ఘనమైన నిట్టూరుపు గాలి లోనఁ జెలించక
యెనలేని ఘెరతపమిదె చేసీని

బాయిటనె తనమేని పచ్చిజవ్వనవనాన
పాయక నీరతికిఁ దపము చేసీని
నీయింట శ్రీ వెంకటేశ నిన్నుఁగూడెలమేల్మంగ
యీయెడ మోహనతపమిదె చేసీని 

Watch for Audio -  https://youtu.be/ydNU3uajcHc 

సమసె రావణుఁడు - Samase Ravanudu

సమసె రావణుఁడు సమరములోపల
అమరులు కడు ముదమందిరి మెరసి

బెరగిరి రాముని శరముల కసురలు
సురిగిరి పోట్లచురుకునను
తొరిగిరి నెత్తుటఁ దునియలు సేసిన
తిరిగిరి తరుమఁగ దిక్కులకు

కూలిరి భల్లూకుల ఘోషములకు
వాలిరి వాయుజవాలహతి
వీలిరి యంగదు వివిధనాదముల
తూలిరి సుగ్రీవు దోర్భలమునను

దాఁగిరి లక్ష్మణు దాకకు నులుకుచు
వీఁగిరి వనచర వితతికిని
పాఁగి శ్రీ వేంకటపతి కృపా రసమునఁ
దోఁగిరి జనులు సంతోసంబునను 

Lyrics - 
Samase ravanudu samaramulopala
Amarulu kadu mudamandiri merasi 

Beragiri ramuni sharamula kasuralu
Surigiri potlachurukunanu
Torigiri nettuta duniyalu sesina
Tirigiri tarumaga dikkulaku 

Kooliri bhallukula ghoshamulaku
Valiri vayujavaalahati
Viliri yangadu vividhanadamula
Tooliri sugrivu dorbhalamunanu 

Daagiri lakshmanu dakaku nulukuchu
Veegiri vanachara vitatikini
Paagi Sri Venkatapati krupa rasamuna
Dogiri janulu santosambunanu 

Watch for Audio -  https://youtu.be/BleqxjJEFUQ

శరణు శరణు నీకు జగదేకవందిత - Saranu Saranu Niku

శరణు శరణు నీకు జగదేకవందిత
కరుణతో మమ్ము నేలు కౌసల్యనందన

ఘనరణరంగవిక్రమ దశరథపుత్ర
వినుతామన(ర?)స్తోమ వీరరాఘవ
మునులును రుషులును ముదమునొందిరి నీవు
జననమందినందుకు జానకీరమణ

సులభ లక్ష్మణాగ్రజ సూర్యవంశతిలక
జలధిబంధన విభీషణవరద
తలఁకి యసురలు పాతాళము చొచ్చిరి నీవు
విలువిద్య నేర్చితేనే విజయరామ

రావణాంతక సర్వరక్షక నిర్మలభక్త-
పావన దివ్యసాకేతపట్టణవాస
వేవేలుగ నుతించిరి వెస హనుమంతాదులు
సేవించిరి నినుఁ జూచి శ్రీవేంకటేశ 

Watch for Audio -  https://youtu.be/AAxL-F-QICo 

ఎన్నఁడు విజ్ఞానమిఁక నాకు - Ennadu Vignanamika naku

ఎన్నఁడు విజ్ఞానమిఁక నాకు
విన్నపమిదె శ్రీవేంకటనాథా

పాసినఁ బాయపు బంధములు
ఆస దేహమున్నన్నాళ్ళు
కోసినఁ దొలఁగవు కోరికలు
గాసిలి చిత్తముగలిగినన్నాళ్ళు

కొచ్చినఁ గొరయవు కోపములు
గచ్చులగుణములుగలనాళ్ళు
తచ్చినఁ దలఁగవు తహతహలు
రచ్చల విషయపురతులన్నాళ్లు

వొకటికొకటికిని వొడఁబడవు
అకట శ్రీవేంకటాధిపుఁడ
సకలము నీవే శరణంటే యిఁక
వికటములణఁగెను వేడుకనాళ్ళు

English Lyrics - 
Ennadu vignanamika naku
Vinnapamide Srivenkatanatha 

Pasina bayapu bandhamulu
Asa dehamunnannallu
Kosina dolagavu korikalu
Gasili chittamugaliginannallu 

Kochchina gorayavu kopamulu
Gachchulagunamulugalanallu
Tachchina dalagavu tahatahalu
Rachala vishayapuratulannallu 

Vokatikokatikini vodabadavu
Akata SriVenkatadhipuda
Sakalamu nive saranante yika
Vikatamulanagenu vedukanallu 

Watch for Audio -  https://youtu.be/Ui_HL4SRP3w 

దైవమా నీ వొక్కఁడవే - Daivama Nivokkadave

దైవమా నీ వొక్కఁడవే దక్కిన ధనము గాక
యీవలానావలా మఱి యెంచ నేమున్నది

పుట్టినవారికెల్లా పొత్తుల దీజగము
మెట్టికూచుండే యరఁగు మేదినియల్లా
బట్టబయటి భోగాలు బంతికూటిబోజనాలు
పట్టి తమవని యేరుపరచ నేమున్నది

పంచుకొన్నభాగాలు పంచమహాభూతాలు
పంచేంద్రియములే పరివారాలు
యెంచి నడచేకాలమే యిందరికి నుంబళి
తెంచి యెచ్చుకుందు లిందుఁ దెలుప నేమున్నది

మనోవికారాలు మానుషపు టెఱుకలు
వినోదమాత్రాలు వేడుకలెల్లా
యెనలేని శ్రీవేంకటేశ నీమహిమ లివి
వెనకా ముందరా విన్నవించ నేమున్నది 

English Lyrics - 
Daivama ni vokkadave dakkina dhanamu gaka
Eevalanavala mari yemcha nemunnadi

Puttinavarikella pothula dijagamu
Mettikuchumde yaragu medhiniyalla
Battabayati bhogalu banthikutibojanalu
Patti tamavani yeruparacha nemunnadi

Panchukonnabhagalu panchamahabhutalu
Pamchemdriyamule parivaralu
Yenchi nadachekalame yimdariki numbali
Tenchi yechukundu lindu delupa nemunnadi 

Manovikaralu manushapu terukalu
Vinodamatralu vedukalella
Yenaleni SriVenkatesha nimahima livi
Venaka mumdara vinnavincha nemunnadi 

Watch for Audio - https://youtu.be/tagqrE_tEeU 

నీవు సర్వగుణసంపన్నుఁడవు - Nivu Sarvagunasampanudavu

నీవు సర్వగుణసంపన్నుఁడవు నే నొకదుర్గుణిని
మానవు నన్నొక యెదురుచేసుకొని మనసుచూడనేలా అయ్యా

యేలినవాఁడవు నీవు ఇటు నేఁ గొలిచినవాఁడ
పోలింపఁగ నీవే దేవుఁడవు భువి నే నొకజీవుఁడను
పాలించేవాఁడవు నీవు బ్రదికేవాఁడను నేను
తాలిమి నన్నొక సరిచేసుక ననుఁ దప్పులెంచనేలా అయ్యా

అంతర్యామివి నీవు అంగమాత్రమే నేను
చింతింపఁగ నీవే స్వతంత్రుఁడవు జిగి నేఁ బరతంత్రుఁడను
ఇంత నీవే దయఁగలవాఁడవు యెప్పుడు నే నిర్దయుఁడను
చెంతల నన్నొక మొనసేసుక నాచేఁత లెంచనేలా అయ్యా

శ్రీవేంకటేశ్వరుఁడవు నీవు సేవకుఁడను ఇటు నేను
అవలనీవల దాతవు నీవు యాచకుఁడను నేను
నీవే కావఁగఁ గర్తవు నేనే శరణాగతుఁడను
కైవశమగు నను ప్రతివెట్టుక నాకథలు యెంచనేలా అయ్యా 

Watch for Audio - https://youtu.be/UcOlNXFnqlw 

ప్రత్యక్షమే మాకుఁ - Pratyakshame Maku

ప్రత్యక్షమే మాకుఁ బ్రమాణము
సత్యరూప జోలిదవ్వి జాలిఁబడ నోపము

కన్న వారెవ్వరు నిన్ను కన్నుల యెదుటను
పన్ని నీదాసులు చూచే భావమువలె
విన్న వారెవ్వరు నీవిభవపు మాటలు
అన్నిటా నాచార్యుని యానతివలె

తొడఁగి నీ ప్రసాదము దొరకిన వారెవ్వరు
జడియు నీ దాసుల ప్రసాదమువలె
కడు నీ పాదతీర్థము కడగన్నవారెవ్వరు
బడిబడి నీ భక్తపాదజలమువలె

యేచి పరంధామమున కేఁగిన వారెవ్వరు
చాచిన నీ దాసుల సన్నిధివలె
చూచితి శ్రీవేంకటేశ సొంపుల నీ మహిమెల్ల
తాచిన నీ దాసానుదాసులయందే 

Watch for Audio - https://youtu.be/qnGyijEItOs 

కొలఁదులుమీరిన గోవిందా - Koladulu Mirina Govinda

కొలఁదులుమీరినగోవిందా
పలుదెఱగుల మతి పరగీఁజుమ్మీ

యేలితి వప్పుడే యిల్లాండ్లంగా
గోలతనముగలగొల్లెతల
అలఁగాచితివి అఁబోతువలెనే
పాలించ మనసు పారీఁజుమ్మీ

పెట్టితి సేసలు పెండ్లికూతులఁగా
వొట్టి యచ్చరల కొకమాటే
చుట్టితి పెంచముసోగ నెమలివలె
పెట్టనెమళ్ళను బెరిసేవుసుమ్మీ

కలసితివి శ్రీవేంకటేశ మమ్మిటు
లలిఁ బట్టపుసతుల మనుచును
యెలమి యమునలో నీఁదులాడితివి
పొలసి యాఁడుమీలఁ బొందేవుసుమ్మీ 

Watch for Audio - https://youtu.be/C2QhtDdGvg4

ఒక్కఁడవె లోకానకొడయడఁవు - Okkadave Lokanakodayadavu

ఒక్కఁడవె లోకానకొడయడఁవు నీవె
దిక్కుగా నెవ్వరులేరు తిమ్మినాయఁడా

బొడ్డుచెర్ల బొమ్మిరెడ్డి పొలమెల్లఁ జేడవెట్టి
గడ్డనుండి పైరువిత్తి కాచుకుండఁగా
దొడ్డగాఁ బండఁగఁ జూచి దోసకారి మొండిదొర
దిడ్డిఁదీసి కొంటఁబోయ తిమ్మినాయఁడా

పాలకొల్ని చందిరెడ్డి పంటసేయఁ బొద్దులేక
గాలివీటి కాపుఁరానఁ గసుగందఁగా
కోలుపుచు దినమూ నీకొండమీఁది నాయకులు
తీలుపరచేరుగదే తిమ్మినాయఁడా

కామకొల్ని మారిరెడ్డి కనుచూపువారినెల్ల
కోమలపు చెలుపలు గోరు మొత్తఁగా
ప్రేమముతోఁ గేదారి పెరిగి పండిన పంట
తేమ రేఁగి ఊటువట్టె తిమ్మినాయఁడా

గుండుఁగంటి దేవిరెడ్డి కొలిచిన వండిపెట్టు
కుండఁ గాపరింటనింట కూడుమోయఁగా
పండిన బండ్లఁగొట్టి పంటలెల్ల నానాఁటి
తిండికొక్క కొలఁదాయ తిమ్మినాయఁడా

వెలిగొండ కాపిరెడ్డి వేఁకపు జీవనమెల్ల
తలమోఁచి తిరిపెమై తల్లడించఁగా
తెలిసి యాతనితో నొక్కటిగాఁగ నీగుట్టు
తెలిసె వేంకటగిరి తిమ్మినాయఁడా 

Watch for Audio - https://youtu.be/WRIHbuW6cWk

సత్యము సేయఁగవచ్చును - Satyamu Seyagavachunu

సత్యము సేయఁగవచ్చును సర్వేశ్వర యీమాటకు
నిత్యము నీవే యెఱుఁగుదు నేనేమి నెఱఁగఁ జుమీ

సులభుఁడవౌదువు వొకమరి చూడఁగ దుర్లభుఁడవౌదువు
తలఁపింతువు మఱపింతువు తగఁ బ్రాణములోనుండి
పలికింతువు అక్షరముల పరగ నవే వ్రాయింతువు
వెలయఁగ నీవే వెలిగా వేరొకటి నేఁ జేయఁ జుమీ

వొనరఁగఁబూజలు గొందువు వొక్కొకపరిమానుదు వటు
కను మూయింతువు నిదురలఁ గడు మేల్కొలుపుదువు
ఘనముగ నజ్ఞానిఁ జేతువు కరుణతో జ్ఞానిఁ జేతువు
ననుఁ బుట్టించితి నీవే నా కాపని గాదు సుమీ

నాలో నుందువు వొకపరి నగి శ్రీవేంకటగిరి నుందువు
పాలింతువు లాలింతువు భవ మీడేరింతువు
పోలింప సంసారిఁ జేతువు భువి నీదాసునిఁ జేతువు
కాలముఁ గర్మము నీవే కపటము నే నేరఁ జుమీ 

Watch for Audio - https://youtu.be/P2n9gxF7HAE

చెప్పరాదు నీవుండేటి - Cepparadu Nivundeti

చెప్పరాదు నీవుండేటి చెలువములు
చిప్పిలీ నీమేననెల్లా సింగారాలు

కతలుగాఁ బానుపుపై కాఁగిటఁ బెనఁగేవేళ
సతిచెమటే పన్నీటి జలకములు
యితవుగా లోలోన యెనసి వుండేటివేళ
గతిగూడ నవ్వేనవ్వు కప్పురకాపు

సొలసి సొలసి నీతో జోడైవుండేటివేళ
తలిరుఁదోడిచూపులే తట్టుపుణుఁగు
వులుకనితమకాన వురమెక్కినట్టివేళ
నిలువుమేనికాంతి నీమేని సొమ్ములు

అంగపురతులఁ గూడి అలసివుండేటివేళ
అంగనమోవితీపులే యారగింపులు
చెంగటనలమేల్మంగ శ్రీ వేంకటేశ నిన్ను
నంగవించి కూడె నీవే యఖిలభోగాలు 

Watch for Audio - https://youtu.be/VcvijxvMt3k

సత్యభామ సరసపు - Satyabhama Sarasapu

సత్యభామ సరసపు నగవు
నిత్యము హరిమదినే నెలవాయ

రుకుమిణిదేవికి రూపయవ్వనికి
సకల విభవముల సౌఖ్యతలు
చికురాంబరమునఁ జెదరిన యలకలు
వికచాబ్జముఖము వెయివేలాయ

తొడవుల శ్రీసతి తొలుమెఱుఁగులమై
నడపుల మురిపెపు నగుమోము
తడయక వారిధి దచ్చిన హరికిని
బడలిక వాపను పరమంబాయ

అనుదినమును నీ యలమేలుమంగ
కనుఁగవ జంకెన గర్వములు
దినదినంబులును తిరువేంకటపతి-
చనవుల సొబగుల సంపదలాయ 

Watch for Audio - https://youtu.be/hbF2ac4OfQE

కొలిచితే రక్షించే - Kolichite Rakshinche

కొలిచితే రక్షించే గోవిందుఁడితఁడు
యిలకు లక్ష్మికి మగఁడీ గోవిందుఁడితఁడు

గోవర్ధనమెత్తినట్టి గోవిందుఁడితఁడు
వేవేలుగొల్లెతల గోవిందుఁడితఁడు
కోవిదుఁడై ఆలఁగాచే గోవిందుఁడితఁడు
ఆవలఁగంసుఁజంపిన ఆగోవిందుఁడితఁడు

క్రూరకాళింగమర్దన గోవిందుఁడితఁడు
వీరచక్రాయుధపు గోవిందుఁ డితఁడు
కోరి సముద్రాలు దాఁటే గోవిందుఁడితఁడు
ఆరీతి బాలురఁ దెచ్చేయా గోవిందుఁడితఁడు

కుందనపుకాశతోడి గోవిందుఁడితఁడు
విందుల రేపల్లె గోవిందుఁడితఁడు
పొంది శ్రీవేంకటాద్రిపై పొసఁగఁ దిరుపతిలో
అందమై పవ్వళించిన ఆ గోవిందుఁడితఁడు 

Watch for Audio - https://youtu.be/bA2VKT7q5HI