చెప్పరాదు నీవుండేటి - Cepparadu Nivundeti

చెప్పరాదు నీవుండేటి చెలువములు
చిప్పిలీ నీమేననెల్లా సింగారాలు

కతలుగాఁ బానుపుపై కాఁగిటఁ బెనఁగేవేళ
సతిచెమటే పన్నీటి జలకములు
యితవుగా లోలోన యెనసి వుండేటివేళ
గతిగూడ నవ్వేనవ్వు కప్పురకాపు

సొలసి సొలసి నీతో జోడైవుండేటివేళ
తలిరుఁదోడిచూపులే తట్టుపుణుఁగు
వులుకనితమకాన వురమెక్కినట్టివేళ
నిలువుమేనికాంతి నీమేని సొమ్ములు

అంగపురతులఁ గూడి అలసివుండేటివేళ
అంగనమోవితీపులే యారగింపులు
చెంగటనలమేల్మంగ శ్రీ వేంకటేశ నిన్ను
నంగవించి కూడె నీవే యఖిలభోగాలు 

Watch for Audio - https://youtu.be/VcvijxvMt3k