ఇందులోనే కానవద్దా - Indulone kanavadda

ఇందులోనే కానవద్దా యితడు దైవమని
విందువలె వొంటిమెట్ట వీరరఘరాముని ||

యెందు చొచ్చె బ్రహ్మ వరము  ఇల రావణుతలలు
కందువ రాఘవుడు ఖండిం చునాడు
ముందట జలధి యేమూల చొచ్చె కొండలచే
గొందిబడ గట్టివేసి కోపగించేనాడు ||

యేడనుండె మహిమలు యిందరి కితడు వచ్చి
వేడుకతో హరివిల్లు విఱిచేనాడు
వోడక యింద్రాదు లెందు నొదిగిరి యీతనిబంటు
కూడబట్టి సంజీవికొండ దెచ్చేనాడు ||

జముడెక్కడికి బోయ సరయువులో మోక్షము
అమర జీవుల కిచ్చె అల్లనాడు
తెమలి వానరులై యీదేవతలే బంట్లైరి
తిమిరి శ్రీవేంకటపతికి నేడు నాడు || 

Watch for Audio - https://youtu.be/32EeUnwqLZU