తల లేదు తోఁక లేదు దైవమానమాయలకు
తెలిసియుఁ దెలియక తిరిగేము నేము
తెలిసియుఁ దెలియక తిరిగేము నేము
తను వేఁటిదో యీ తలపోఁత లేఁటివో
యెనయు సంసార సుఖ మిది యేఁటిదో
వెనక ముందేఁటిదో వివేక మెరఁగక
దినదినమును నేమో తిరిగేము నేము
యెనయు సంసార సుఖ మిది యేఁటిదో
వెనక ముందేఁటిదో వివేక మెరఁగక
దినదినమును నేమో తిరిగేము నేము
పుట్టు గిది యెక్కడో పోయేటి దెక్కడో
ఇట్టె యీ సిరులెల్లా నెక్కడెక్కడో
మట్టులేని హరి నిర్మాణ చక్రములోన
దిట్టలమై యేమేమో తిరిగేము నేము
ఇట్టె యీ సిరులెల్లా నెక్కడెక్కడో
మట్టులేని హరి నిర్మాణ చక్రములోన
దిట్టలమై యేమేమో తిరిగేము నేము
నేరు పేదో నేర మేదో నిలిచిన దొకటేదో
వూరకే నీ దాసులమై వున్నారము
చేరి నన్నేలినయిట్టె శ్రీవేంకటేశ్వర
గారవించి కరుణించి కావఁగదవే
వూరకే నీ దాసులమై వున్నారము
చేరి నన్నేలినయిట్టె శ్రీవేంకటేశ్వర
గారవించి కరుణించి కావఁగదవే
No comments:
Post a Comment