దేవ నీ చెలువములోఁ దిరమై మిక్కిలి నీ
దేవి చెలువము దెచ్చెఁ దేటతెల్లమిగాను
దేవి చెలువము దెచ్చెఁ దేటతెల్లమిగాను
గరిమ నీ వురము కౌస్తుభమాణికముతో
సరి దూఁగి యెక్కు డాయ సతీమణి
వరుస నీదు బాహువల్లుల నడుమను
పెరిగి నీ లలితాంగి పెద్దరిక మందె
సరి దూఁగి యెక్కు డాయ సతీమణి
వరుస నీదు బాహువల్లుల నడుమను
పెరిగి నీ లలితాంగి పెద్దరిక మందె
నీలిమేఘమువంటి నీ మేనికాంతికి
మేలిమివన్నె దెచ్చె మెరుఁగుఁబోఁడి
పోలింప నీదు తమ్మిబొడ్డుకంటెఁ బొడవున
కాలు దొక్కి నిలిచెను కమలాలయ
మేలిమివన్నె దెచ్చె మెరుఁగుఁబోఁడి
పోలింప నీదు తమ్మిబొడ్డుకంటెఁ బొడవున
కాలు దొక్కి నిలిచెను కమలాలయ
అదివో నీ బంగారుహారముల నడుమను
పొదిబంగా రై నిలిచె పుత్తడిబొమ్మ
పొదిగి శ్రీవేంకటేశ భోగించె నీ కాఁగిటికి
అదనఁ బుట్టుభో గాయ నలమేలుమంగ
పొదిబంగా రై నిలిచె పుత్తడిబొమ్మ
పొదిగి శ్రీవేంకటేశ భోగించె నీ కాఁగిటికి
అదనఁ బుట్టుభో గాయ నలమేలుమంగ
No comments:
Post a Comment