ఇప్పుడెట్లున్నదో యిందువదన
అప్పటికిఁ గొంత గుణమాయ నావేళ
అప్పటికిఁ గొంత గుణమాయ నావేళ
తెఱవ శశికాంతవేదికమీఁద మలఁగుపై -
నొఱగి పరితాపాగ్నినుడుకఁ గాను
నెఱి దొలఁకు మోమువెన్నెలకు శశికాంతంపు -
టఱఁగు గరఁగిన శైత్యమాయెనావేళ
నొఱగి పరితాపాగ్నినుడుకఁ గాను
నెఱి దొలఁకు మోమువెన్నెలకు శశికాంతంపు -
టఱఁగు గరఁగిన శైత్యమాయెనావేళ
చెలియ పొన్నల విడ (నీడ?) చిగురుఁబానుపుమీఁద
పలుమారు నినుదూరి పాడఁగాను
చెలఁగి పొన్నల విరియు చిలుకుఁదేనెల సోనఁ
దెలివొంది కొంత వడదీరెనావేళ
పలుమారు నినుదూరి పాడఁగాను
చెలఁగి పొన్నల విరియు చిలుకుఁదేనెల సోనఁ
దెలివొంది కొంత వడదీరెనావేళ
తొయ్యలి విలాసమున తూగు మంచముమీఁద
పయ్యెదరజార నినుఁ బాడఁగాను
తియ్యమునఁ గూడితివి తిరువేంకటేశ్వరుఁడ
నెయ్యంపు వేడుకలు నినిచెనావేళ
పయ్యెదరజార నినుఁ బాడఁగాను
తియ్యమునఁ గూడితివి తిరువేంకటేశ్వరుఁడ
నెయ్యంపు వేడుకలు నినిచెనావేళ