చూడఁచిన్నదాన వింతె సుద్దులు కోటానఁగోటి
యేడేడ నేరుచుకొంటివే వో కలికి
యేడేడ నేరుచుకొంటివే వో కలికి
కిన్నెరమీఁటులలోని గిలిగింతలు । నీ –
వన్నెల కనుచూపుల వలవంతలు
యెన్నరాని యిచ్చకపు టెలయింతలు
యెన్నఁడు నేరుచుకొంటివే నో కలికి
వన్నెల కనుచూపుల వలవంతలు
యెన్నరాని యిచ్చకపు టెలయింతలు
యెన్నఁడు నేరుచుకొంటివే నో కలికి
సారెకు నెడవాయని సరసములు । నీ –
తారుకాణ సన్నల తమకములు
గారవించి బుజ్జగించే గమకములు
యేరీతి నేరుచుకొంటివే వో కలికి
తారుకాణ సన్నల తమకములు
గారవించి బుజ్జగించే గమకములు
యేరీతి నేరుచుకొంటివే వో కలికి
కందువ శ్రీవేంకటేశు కలయికలు । నీ –
యందమైన సమరతి యలయికలు
పొందుల మునిముంగిలి పొలయికలు
యెందెందు నేరుచుకొంటివే వో కలికి
యందమైన సమరతి యలయికలు
పొందుల మునిముంగిలి పొలయికలు
యెందెందు నేరుచుకొంటివే వో కలికి
No comments:
Post a Comment