శ్రీవేంకటేశ్వరుఁడు - Sri Venkateswarudu

శ్రీవేంకటేశ్వరుఁడు చేరి విజయముఁ బొంది
దేవతలు చూడ దశదిక్కులకు నేసెను

అరికమ్ము వేసెనట్టె అల్లనరకాసురుపై
మేరమీరి రావణునిమీఁద నేసెను
సారపుజలధిమీఁద జలములింకఁగ నేసెను
దారి దప్పకుండ నేడుదాళ్లు దెగనేసెను

పగదీర మింటిమీఁది బాణునిమీఁద నేసెను
మిగుల మెరసి మాయమృగము నేసెను
జగములో రాక్షసుల సంహారముగ నేసెను
నిగిడి రక్తగుండాలు నిండ నేసెను

ఖరదూషణాదుల కడిఖండలుగ నేసెను
సరుసఁ గుంభకర్ణునిఁ జావనేసెను
అరిది శ్రీవేంకటేశుఁ డలమేలుమంగఁ గూడి
గరుడనిమీఁద నెక్కి కంటువాయ నేసెను 

Watch for Audio - https://youtu.be/him2HrDKaIg