కరుణించవయ్య మమ్ముఁ - Karuninchavayya Mammu

కరుణించవయ్య మమ్ముఁ గంభమురాయ
పెరెదేవుని కాలువపెద్దకంభము రాయ

కలకలనవ్వు దేరేఁ గంభమురాయ ఇంతి-
కలికితనాలు చూడు కంభమురాయ
కలిమికాంత తొడెక్కెఁ గంభమురాయ నీపైఁ
గలువదండలు వేసెఁ గంభమురాయ

కనకపువన్నె మేనికంభమురాయ ఇంతి
కనుఁగవలనే మొక్కీఁ గంభమురాయ
ఘనుఁడ వన్నిటా నీవు కంభమురాయ
కనుకో వలపులెల్లాఁ గంభమురాయ

కందర్ప కోటిరూప కంభమురాయ ఇంతిఁ
గందువలఁ గూడితివి కంభమురాయ
గంద మిచ్చి నన్నేలితి కంభమురాయ మేలు
గందము శ్రీ వేంకటాద్రి కంభమురాయ

Watch for Audio - https://youtu.be/bNYzGu6vE6o