పండియుఁ బండదు చిత్తము - Pandiyu Bandadu Cithamu

పండియుఁ బండదు చిత్తము పరిభవ మెడయదు కాంక్షల
యెండలనే కాఁగితి మిఁక నేలాగోకాని

పదిగోట్లుజన్మంబులఁ బాయనికర్మపుఁ బాట్లు
వదలక వొక నిమిషములో వడిఁదీరుచు నితఁడు
చెదరని నిజదాసులకును శ్రీహరి, మా కిపుడంతక
హృదయము నిలువదు చంచల మేలాగోకాని

కూపపు బహునరకంబుల కోట్లసంఖ్యలఁ బొరలేటి-
పాపము లొకనిమిషములోఁ బాపఁగఁగలఁ డితఁడు
కాపాడఁగఁ దలచిన యీకమలాపతి, నే మీతని-
యేపునఁ గని మనలే మిఁక నేలాగోకాని

జడిగొని యెన్నఁడు బాయనిసంసారపుబంధంబుల
విడుమని వొకనిమిషములో విడిపించును యితఁడు
కడుఁగొలిచినవారికి వేంకటపతి, నే మీతని-
నెడయక కొలువఁగలేమిఁక నేలాగోకాని 

Watch for audio - https://youtu.be/rjixBUw93Gs