శ్రీపతియె రక్షించుఁ గాక - Sripathiye Rakshinchugaka

శ్రీపతియె రక్షించుఁ గాక మరి
యేపున జంతువుల మే మెఱుఁగుదుము

జలధుల లోఁతును సరి భువి వేఁగును
అలరించిన శ్రీహరి యెఱుఁగు
పొలసిన జ్ఞానము పుణ్యపాపములు
యిలపై జీవుల మే మెఱుఁగుదుము

అనలము తేజము నాకసము విరివి
అనిశము నారాయణుఁ డెఱుఁగు
మునుకొన్న కాలము మొదలి జన్మములు
యెనయఁగఁ బ్రాణుల మే మెఱుఁగుదుము

విసరే గాలియు విశ్వములోపలి
పస శ్రీ వేంకటపతి యెఱుఁగు
సుసరివై శరణము చొచ్చుట యతనికి
యెసఁగిన దేహుల మే మెఱుఁగుదుము 

Watch for audio - https://youtu.be/sfdNZRCFJKQ