ఎక్కడనున్నా నీతఁడు - Yekkadanunna Neethadu

ఎక్కడనున్నా నీతఁడు
దిక్కయి మాదెసఁ దిరిగీఁగాక

సరసుఁడు చతురుఁడు  జగదేకగురుఁడు
పరమాత్మ డఖిలబంధువుఁడు
హరి లోకోత్తరుఁ డతఁడే నామతి
సిరితోఁ బాయక చెలఁగీఁగాక

ఉన్నతోన్నతుఁ డుజ్జ్వలుఁ డధికుఁడు
పన్నగశయనుఁడు  భవహరుఁడు
యిన్నిటఁగలిగిన యిందిరా(ర?)రమణుఁడు
మన్ననతో మము మనిపీఁగాక

మమతల నలమేల్మంగకు  సంతత -
రమణుఁడు వేంకటరాయఁడు
జమళిసంపదల  సరసవిభవముల
తమకంబున మముఁదనిపీఁగాక 

Watch for audio - https://youtu.be/Tjipm3o926o