ఏనోము నోఁచితినో యింతకు మున్ను
ఆనుకొని సేవసేయ నంతదాననా
ఆనుకొని సేవసేయ నంతదాననా
చనవిచ్చి నీవు నాతో సరసమాడేవు గాక
కనుఁగొన నేనంత చక్కని దాననా
పనివడి నామీఁద పాదము చాఁచేవు గాక
తనువు సోఁకుటకు నంతటి దాననా
కనుఁగొన నేనంత చక్కని దాననా
పనివడి నామీఁద పాదము చాఁచేవు గాక
తనువు సోఁకుటకు నంతటి దాననా
నాపై మన్ననఁ గూడ నవ్వులు నవ్వేవు గాక
నీపొందు లిటుసేయ నేరుపరినా
తీపనుచు నామోవి తేనెలడిగేవు గాక
ఆపనుల కంతేసి యరుహపు దాననా
నీపొందు లిటుసేయ నేరుపరినా
తీపనుచు నామోవి తేనెలడిగేవు గాక
ఆపనుల కంతేసి యరుహపు దాననా
దయఁ జూచినవాడవై తగిలి కూడేవు గాక
క్రియతో నీచిత్తమెరిఁగిన దాననా
నియతి శ్రీవేంకటేశ నేఁడిట్టే పెండ్లాడితివి
ప్రియపడి యింతసేయ బిరుదులదాననా
క్రియతో నీచిత్తమెరిఁగిన దాననా
నియతి శ్రీవేంకటేశ నేఁడిట్టే పెండ్లాడితివి
ప్రియపడి యింతసేయ బిరుదులదాననా
Watch for audio - https://youtu.be/iY8KShACjlo
No comments:
Post a Comment