శ్రీహరి పాద తీర్ధమే - Sri Hari Paada Teerthame

శ్రీహరి పాద తీర్ధమే చెడని మందు
మోహపాశములు కోసి మోక్షమిచ్చే మందు 

కాయని పూయని మందు, కడు చల్ల చేసే మందు
కారని కంటగించని కమ్మని మందు
నూరని కాచని మేటి నునుపైన మందు
వేరువెల్లంకులు లేని వేరులేనీ మందు

గురుతైన రోగములను గుణముచేసేటి మందు
దురితములెల్ల బాపే దొడ్డైన మందు
నిరతము బ్రహ్మాదులు నిలిచి సేవించే మందు
నరకములేనట్టి నయమైన మందు

పొంకముతో గుణములన్ పొందజేసే మందు
మంకుబుద్ధి నెడబాపి మన్నించే మందు
పంకజాక్ష ప్రసన్న్ శ్రీవెంకటరాయని మందు
శంకలెల్ల పోగొట్టి సంరక్షించే మందు 

Follow - https://www.youtube.com/@BijjamBrothers/videos