రెక్కలకొండవలె మీరిన బ్రహ్మాండమువలె
వెక్కసమైన తేరుపై వెలసీని దేవుఁడు
వెక్కసమైన తేరుపై వెలసీని దేవుఁడు
బిఱబిఱఁ దిరిగేటి పెనుబండికండ్లతో
గుఱుతైన పడగెల గుంపులతో
తఱితో ధరణి గ్రక్కదలఁ గదలెను తేరు
మెఱసీ వీధివీధుల మేఁటియైన దేవుఁడు
గుఱుతైన పడగెల గుంపులతో
తఱితో ధరణి గ్రక్కదలఁ గదలెను తేరు
మెఱసీ వీధివీధుల మేఁటియైన దేవుఁడు
ధగధగమను నాయుధపు మెరుఁగులతోడ
జిగిమించుఁ బగ్గముల చేరులతో
పగటు రాకాసులపైఁ బారీనదె తేరు
నిగిడి నలుదిక్కుల నీటు చూపీ దేవుఁడు
జిగిమించుఁ బగ్గముల చేరులతో
పగటు రాకాసులపైఁ బారీనదె తేరు
నిగిడి నలుదిక్కుల నీటు చూపీ దేవుఁడు
ఘణఘణ మనియెడి గంటల రవముతోడ
ప్రణుతి నలమేల్మంగ పంతాలతోడ
రణములు గెలిచి మరలెనదే తిరుతేరు
గణుతికెక్కెను శ్రీవేంకటగిరిదేవుఁడు
ప్రణుతి నలమేల్మంగ పంతాలతోడ
రణములు గెలిచి మరలెనదే తిరుతేరు
గణుతికెక్కెను శ్రీవేంకటగిరిదేవుఁడు
No comments:
Post a Comment