పొద్దొకచాయలవాఁడు పురుషోత్తముఁ డితఁడు
కొద్దిలేని మెఱుఁగులే కుప్పయైన ట్టాయనూ
కొద్దిలేని మెఱుఁగులే కుప్పయైన ట్టాయనూ
చక్కని దేవుఁ డదే జలకములాడఁ గాను
వెక్కసపు తిరుమేన వెల్లులాయను
చొక్కపు గోపికలెల్లాఁ జూచినతేటలమాపు
తక్కక యీతనిమేన దైవారినట్టాయను
వెక్కసపు తిరుమేన వెల్లులాయను
చొక్కపు గోపికలెల్లాఁ జూచినతేటలమాపు
తక్కక యీతనిమేన దైవారినట్టాయను
కప్పురకాపుమేనఁ గడు నిండా మెత్తుకోఁగా
నెప్పున వెన్నెలవన్నె నిండుకొనెను
అప్పటి బదారువేలు అందరును నవ్వఁగాను
ముప్పిరి నీతని మేన ముంచినయట్టాయను
నెప్పున వెన్నెలవన్నె నిండుకొనెను
అప్పటి బదారువేలు అందరును నవ్వఁగాను
ముప్పిరి నీతని మేన ముంచినయట్టాయను
చెలఁగి పుళుగుకాపు శ్రీవేంకటేశుఁడు వూసి
పలురత్నాలసొమ్ములఁ బరగీని
అలమేలుమంగకొప్పునందలినీల వర్ణము
యెలమిఁ దిరుమేనను యిరవైనట్టాయను
పలురత్నాలసొమ్ములఁ బరగీని
అలమేలుమంగకొప్పునందలినీల వర్ణము
యెలమిఁ దిరుమేనను యిరవైనట్టాయను
No comments:
Post a Comment