జోజో దీనజనావనలోలా
జోజో యదుకుల తిలకా గోపాలా
జోజో యదుకుల తిలకా గోపాలా
వేదములు రత్నాల గొలుసులై యమర
వేదాంత మపరంజి తొట్లగా నమర
నాదము ప్రణవము పాను పై యమర
ప్రణవార్థమై యిచ్చట పవ్వళింపు స్వామీ
వేదాంత మపరంజి తొట్లగా నమర
నాదము ప్రణవము పాను పై యమర
ప్రణవార్థమై యిచ్చట పవ్వళింపు స్వామీ
అతి చిత్రముగఁబది యవతారములబ్రోవ
అమరుచు పదినాల్గు జగములఁ బ్రోవఁ
బ్రతి యుగమున జనియించు మిగుల
ప్రబలి జన్మరహితుఁడనుకొన్న స్వామీ
అమరుచు పదినాల్గు జగములఁ బ్రోవఁ
బ్రతి యుగమున జనియించు మిగుల
ప్రబలి జన్మరహితుఁడనుకొన్న స్వామీ
శాంతియు మణిమయ మకుటమై మెఱయ
శక్తులు మహాహారంబులై మెఱయ
దాంతియుఁ గుసుమమాలికయై మెఱయ
ధరలో శ్రీవేంకటేశ రమణుడౌస్వామీ !
శక్తులు మహాహారంబులై మెఱయ
దాంతియుఁ గుసుమమాలికయై మెఱయ
ధరలో శ్రీవేంకటేశ రమణుడౌస్వామీ !
No comments:
Post a Comment