పరమ పురుషుఁడు గోపాలబాలుఁ డైనాఁడు
మురహరుఁడు యెదుట ముద్దుగారీ నిదివో
మురహరుఁడు యెదుట ముద్దుగారీ నిదివో
వేదపురాణములలో విహరించే దేవుఁడు
ఆది మూలమైనట్టి అలబ్రహ్మము
శ్రీ దేవి పాలిటఁ జెలఁగే నిధానము
సేద దేరి యశోదకు శిశువాయ నిధివో
ఆది మూలమైనట్టి అలబ్రహ్మము
శ్రీ దేవి పాలిటఁ జెలఁగే నిధానము
సేద దేరి యశోదకు శిశువాయ నిధివో
మొక్కేటి నారదాదుల ముందరి సాకారము
అక్కజపు జీవులలో అంతర్యామి
గక్కన బ్రహ్మ గొడుకుఁగాఁ గన్న పరమము
అక్కరతో వెన్నముచ్చై యాటలాడీ నిదివో
అక్కజపు జీవులలో అంతర్యామి
గక్కన బ్రహ్మ గొడుకుఁగాఁ గన్న పరమము
అక్కరతో వెన్నముచ్చై యాటలాడీ నిదివో
దేవతలఁ గాచుటకు దిక్కయిన విష్ణుఁడు
భావము లొక్కరూపైన భావతత్త్వము
శ్రీ వేంకటాద్రి మీఁద జేరున్న యా వరదుఁడు
కైవసమై గొల్లెతల కౌఁగిళ్ళ నిదివో
భావము లొక్కరూపైన భావతత్త్వము
శ్రీ వేంకటాద్రి మీఁద జేరున్న యా వరదుఁడు
కైవసమై గొల్లెతల కౌఁగిళ్ళ నిదివో
No comments:
Post a Comment