ఈకెకు నీకుఁ దగు నీడుజోడులు
వాకుచ్చి మిమ్ముఁ బొగడవసమా యొరులకు
వాకుచ్చి మిమ్ముఁ బొగడవసమా యొరులకు
జట్టిగొన్ననీదేవులు చంద్రముఖిగనక
అట్టె నిన్ను రామచంద్రుఁ డనఁదగును
చుట్టమై కృష్ణవర్ణపుచూపులయాపెగనక
చుట్టుకొని నిన్ను కృష్ణుఁడవనఁదగును
అట్టె నిన్ను రామచంద్రుఁ డనఁదగును
చుట్టమై కృష్ణవర్ణపుచూపులయాపెగనక
చుట్టుకొని నిన్ను కృష్ణుఁడవనఁదగును
చందమైనవామలోచన యాపె యౌఁగనక
అందరు నిన్ను వామనుఁ డనఁదగును
చెంది యాకె యప్పటిని సింహమధ్యఁగనక
అందినిన్ను నరసింహుండని పిల్వఁదగును
అందరు నిన్ను వామనుఁ డనఁదగును
చెంది యాకె యప్పటిని సింహమధ్యఁగనక
అందినిన్ను నరసింహుండని పిల్వఁదగును
చెలువమైనయాపె శ్రీదేవి యగుఁగనక
అల శ్రీవక్షుడవని యాడఁదగును
అలమేల్మంగ యహిరోమాళిగలదిగన
యిల శేషాద్రి శ్రీవేంకటేశుఁ డనఁదగును
అల శ్రీవక్షుడవని యాడఁదగును
అలమేల్మంగ యహిరోమాళిగలదిగన
యిల శేషాద్రి శ్రీవేంకటేశుఁ డనఁదగును
No comments:
Post a Comment