వీఁడివో కొలువున్నాఁడు విట్ఠలేశుఁడు
మూఁడుమూర్తుల తేజపు మూలమీతఁడు
మూఁడుమూర్తుల తేజపు మూలమీతఁడు
పంతముతో పాండవపక్షపాతి యీతఁడు
వింతలేని విదురునివిందు యీతఁడు
మంతు కెక్కిన ద్రౌపదీ మాన రక్షకుఁడీతఁడు
చెంతనే వుద్ధపు పాలి చింతామణి యీతఁడు
వింతలేని విదురునివిందు యీతఁడు
మంతు కెక్కిన ద్రౌపదీ మాన రక్షకుఁడీతఁడు
చెంతనే వుద్ధపు పాలి చింతామణి యీతఁడు
మందగొల్లెతలకెల్లా మంగళసూత్ర మీతఁడు
కందువ నక్రూరుని భాగ్యం బీతఁడు
నందగోప యశోదల నవనిధాన మీతఁడు
అందపురుక్మిణీ మనోహరుఁ డీతఁడు
కందువ నక్రూరుని భాగ్యం బీతఁడు
నందగోప యశోదల నవనిధాన మీతఁడు
అందపురుక్మిణీ మనోహరుఁ డీతఁడు
దేవకీవసుదేవుల దివ్యపద వీతఁడు
భావింప నందరిపరబ్రహ్మ మీతఁడు
కైవశమై దాసులకు కల్పవృక్ష మీతఁడు
శ్రీవేంకటాద్రి మీఁదిశ్రీపతి యీతఁడు
భావింప నందరిపరబ్రహ్మ మీతఁడు
కైవశమై దాసులకు కల్పవృక్ష మీతఁడు
శ్రీవేంకటాద్రి మీఁదిశ్రీపతి యీతఁడు
No comments:
Post a Comment