చిత్తగించఁ గదవయ్య - Cittaginca Gadavauua

చిత్తగించఁ గదవయ్య చెలియసింగారము
హత్తి నీకు దేవులుగా నన్నిటాఁదగినది

కుప్పెసవరముతోడ కొప్పువెట్టె విరులతో
ముప్పిరి గీలించె ముత్తెముల పాపట
కప్పులుదేర నొసల గస్తూరి బొట్టమరించె
వొప్పగా రత్నాలకమ్మ లొనరించె వీనుల

కంకణ సూడిగములు కైకొనె సందిదండలు
కొంకె మెడఁ బదకముహారాలు నించె
పొంకముగ చంద్రగావిపుట్టము ధరించుకొనె
లంకించె నొడ్డాణము బిల్లల మొలనూలును

పెట్టె నందెలుఁ బెండెము బెరయఁ బాదాలను
మట్టెలు మోఁతలతోడ మలయఁగాను
ఇట్టె శ్రీ వేంకటేశ ఇంతి నిట్టె యేలితివి
పట్టము గట్టుక నీపానుపుపై నున్నది 

Watch for Audio -  https://youtu.be/eOqf8eJH5Og