లక్ష్మీకల్యాణము - Laxmi Kalyanamu

లక్ష్మీకల్యాణము లీలతోఁ బాడే మిదే నేము
లక్ష్మీనారాయణులే లలనయు నీవును

చూపులు చూపులు మీకు సూసకము బాసికము
పూపుచన్నుగుబ్బ లివి బూజగుండలు
తీపులమోవితేనెలు తీరని మధుపర్కములు
దాపుగఁ బెండ్లి యాడరయ్య తగుఁ దగు మీకును

మాటలుమీ కిద్దరికి మదనమంత్రములు
మేటితలంబ్రాలు మీలో మించు నవ్వులు
గాటమైన పులకలు కప్పురవసంతాలు
నీటునఁ బెండ్లాడరయ్య నెరవేరె మీకును

కౌఁగిలి కౌఁగిలి మీకు కందువ పెండ్లి చవికె
పాఁగిన కోరికలే పావ కోళ్లు
ఆఁగిన శ్రీవేంకటేశ అలమేలుమంగా నీవు
వీఁగక పెండ్లాడడయ్య వేడుకాయ మీకును 

Watch for Audio - https://youtu.be/QLMXoWrEBdc